Page 2 of 2
Tùr Trump is Golf sa Ghainmheach
Posted: Wed Nov 19, 2008 2:53 pm
by akerbeltz
Feumaidh mi aideachadh nach eil mi fhìn 'na aghaidh a bharrachd. Chithear ann an dùthchannan eile an t-saoghail gun obraich glèidheadh an nàdair as fhearr anns an sgìrean far a bheil an nàdar fo dhìon ach na daoine ionadail a' faighinn buannachdan às aig an aon am.
Ma nì iad cothromachadh eadar an dà rud, carson nach bi e math dhan dà rud?
Posted: Thu Nov 20, 2008 9:12 am
by Gràisg
Tha freagairt agam dhut a charaid ach tha mi caran trang sa mhadainn seo. Tillidh mi dhan sreath seo nuair a bhios cothrom agam.
Re: Tùr Trump is Golf sa Ghainmheach
Posted: Thu Nov 20, 2008 9:51 am
by Níall Beag
akerbeltz wrote:Ma nì iad cothromachadh eadar an dà rud, carson nach bi e math dhan dà rud?
Bha an subcommittee a' lorg "compromise", ach thubhairt e cha robh e airson dad atharachadh. Sin an trioblaid a th' agamsa, mar a thubhairt mi.
Posted: Fri Nov 21, 2008 10:40 am
by Gràisg
Feumaidh mi aideachadh nach eil uidh sam bith agam ann an goilf ach tha làn fhios agam dè cho cudromach a tha e don eaconamaidh gu h-àraidh ann an seo (Inbhir Narann). A bheil raointean goilf feumail don àrainneachd? Gheibhear mòran deasbaid air a’ chuspair sin agus nuair a smaoineachas tu ciamar a tha 0.7% de thalamh Bhreatainn fo a leithid chì sinn ciamar a tha iad airidh air sgrùdadh a thaobh dè a’ buaidh a th’aca. Chleachdar stuth ceimigeach ann an grunn àiteachan gus cuidhteas fhaighinn de bhaoiteagan. A-nis chan eil dad nas feumail dhuinn na baoiteagan ach chan eil an toradh aca gu mòran feum air an fairways agus na rèidhleanan. ‘S ann aig an ìre sin a tha mise caran amharasach.
Tha amas aig Trump Baile ùr a chruthachadh. A-nis, ‘s ann gu tric a bhios mise a’ dol gu Obar Dheathain air an trèana a ruigeas iomall a’ bhaile aig ochd uairean. San dorchadas chì thu na solais de sreathan càraichean nach bi a’ gluasad idir, idir, a h-uile slighe chun a’ bhaile loma-làn le mìltean dhiubh. Saoilidh mise nach eil bun-structair gu leòr ann gus a leithid Trumpton a’ fulang an-dràsta ach chan e eòlaiche a th’ annamsa. Dhomhsa dhèanadh e ciall nan robh Trump airson loidhne tramaichean a thogail eadar Obar Dheathain agus an rioghachd ùr aige. ‘S ann aig an ìre sin a bu choir a h-uile leasachadh a’ dol air adhart a-nis.
Posted: Fri Nov 21, 2008 2:01 pm
by akerbeltz
An-dà, bidh an dà dhiubh fo meatair no dhà de shàl an ceann beagan bhliadhnaichean is chan atharraich airgead trump no poileasaidh na h-àrainneachd sin
Posted: Sat Nov 22, 2008 2:13 pm
by Seonaidh
Uill, cha robh fios agam air "akerbeltz", ach bha fios agam gur e "dubh" a th' ann "beltz[a]" anns an Euskera. Agus a-nis lorg mi "aker" - 's e "gobhar" a th' ann. "Gobhar dhubh".
A bheil gobhar fhathast
Tha, gun a bleoghainn
Air na beanntan garbha
Tha seann ghobhar a' cuachail...
('s e seann òran traidiseanta às a' Chuimrigh a th' ann, agus leanaidh e le ainmeachadh na dathan uile lè sèimheachadh (tha "gafr", mar "gobhar" na h-ainm boireann).
Uill, dè an cuspair? Aidh, Dòmhnall Braim. Far a bheil mise a' fuireach, tha pàirc bhrèagha agus tha consortium beag ag iarraidh taighean a thogail oirre. Nise, chan eil agam an aon clout (bho fada t-slighe) mar a tha aig Mgr. Braim, so, tha sinn an dòchas gu bheil ar pàirc socair.
Ach smaoinich gur e esan a ruith an consortium. Bidh ar pàirc fon na taighean nas luaithe na b'urrainn thu "Dòmhnall Braim" a ràdh. SEO a' phuing, bunachas stèidhte laghan planaidh - tha DB air cleachdadh an airgid aige airson buaidh a chur air ar riaghaltas.
Posted: Thu Nov 05, 2009 12:11 pm
by GunChleoc
Tha làrach-lìn an aghaidh na cuise ann a-nis
http://meniescotland.co.uk/